Blick in die Coronazeit

 

Im kommenden Herbst steht das Schweizer Parlament vor einem Entscheid von historischer Tragweite: der Revision des Epidemiegesetzes. Sie soll Massnahmen wie Lockdowns, Maskenpflicht und anderes festschreiben. Doch auf welcher Grundlage basieren diese weitreichenden Entscheide? Der Berner Filmemacher Mike Wyniger recherchierte jahrelang dazu und drehte einen Dokumentarfilm zu den im Jahr 2020 getroffenen Coronamassnahmen. Es kommen Koryphäen aus Wissenschaft, Medizin, Politik und Medien zu Wort. Der Film trägt damit wesentlich zur Aufarbeitung der Coronazeit bei. 

(Berner Landbote, 20 Mai 2026)

Zum Interview mit Mike Wyniger

Hier zur – wirklich gut gemachten – Dok:

DER HYPE - 2020 REVISITED

Mike Winiger bestätigt die Sichtweise der ganzen Angelegenheit,
wie ich sie damals aktuell mit Liedern und in Videos geäussert hatte: 

NEI SÄGET SÖUE MIR
(Mani Matter Cover; Covid Version unten)

WARUM SIT DIR SO ÄNGSCHTLECH?
(Mani Matter Cover; Covid Version Video)

QUARANTÄNE (Video)

ES ISCH GNUE HÖI DUNGER! 

Ou i meinere Mundart-Geschicht LÄBES-CHRAFT usem Jahr 2021
chunnt Covid aus "ds angere Thema" immer wider churz vor:

Auso, uf au Fäu, churz nachdäm ig dr Fridu ha kenneglehrt gha, hett ihn sini Läbes-Chraft verlah u es hett ne mitere Grippe is Näscht gleit. Hüt hätti das sicher gäd Quarantäne u Isolationshaft bedütet. Aber löh mir das, das isch es angers Thema. 

Hüt müessti är sich gah la teschte u müessti no es schlächts Gwüsse ha, wiu är sich nid zum vorus hett la impfä gäge die Grippe. Sorry, wie vorhär scho einisch gseit, das isch es angers Thema.  

U scho si mir fasch wieder bi däm angere Thema, weisch, bi däm, woni lieber uf ds Muu hocke. Ig frage mi zwar mängisch scho chli, wieso dass das angere Thema eso schwierig z’diskutiere schiint z’si, u warum tiu Lüt änang fasch äd Gurgle wei drbi. Dörfe mir de nümme säge, was mir däiche? Guet, es isch ja scho o so, dass es mängisch schleuer wäri, mir würdi zersch ächli däiche, bevor mir rede, aber we me de scho bau muess Angscht ha vorem eigete Dänke, de wird’s haut de scho cheibe kompliziert. 

U da wird mir bewusst, dass mir ja chli im Fahrwasser vo däm angere Thema sägle, u i frage dr Fridu, was är für Lügner meini, öb är öppe di Grippe-Lügner meini. Är seit aber, das sigis nid, das sigi doch e fertige Chäs, das wüssi doch jede Löu, dass es d’Grippe gäbi, heig doch jede scho mau eini gha. Da muess ig ihm bipflichte. Ou ig cha mir nid vorsteue, das öpper auen ärnschtes bhouptet d’Grippe gäbis gar nid. Da si mir üs itze offebar wenigschtens einisch einig. 

Är hett sich no paar mau d’Nase gschnützt i si riesig Naselumpe. Wo när dä usem Hosesack zoge hett isch no so ne verknitterete Maskehudu mitcho u ä Bode gheit. Genau: Das isch es angers Thema.

U hützutags sött me ja schiins, das betrifft wieder einisch ds angere Thema, nid eso nach binang meh hocke. 

Aber schliesslech isch es ja ou nid gsung u drmit er Woufahrt vor Gseuschaft ou nid zuträglech, we me us luter Angscht vor de eigete Gedanke paranoid wird u, statt dass me früsch vor Läbere wäg sis Züg seit.

Es git intensivi Umarmige u auersits Küssli links u rächts! Weisch vor dr Grippe hei mir ke Angscht. U sorry, nach längerer Zyt geit mir doch tatsächlich, ig weiss nid warum, das angere Thema wieder einisch düre Gring.

Über nes wunderschöns Näbumeer i säglet ds Schiffli vom Ewigching, wo i sim Säguschiffli selig pfuuset. Völlig unberüehrt vo au däm Gschtürm uf dr Wäut ungerem Näbumeer, gsung u unvergrippt, nüt wüssend vo freiwillig unfreiwillige Impfige, vo Gsichtslümpe u vo Zertifikat wo eim neuerdings ds Sichbewege uf dere Wäut ungerem Näbumeer söue erloube, wie we das nid vo Urzyte här immer scho es säubschtverschtändlechs Rächt gsi wäri, dass sich e jede Mönsch u es jedes Läbewäse überhoupt uf däm Planet dörfti frei bewege für sini Nahrigs- u Paarigssuechi u no für mängs angers ou. Aber äbe, wie scho paar mau gseit: Das isch es angers… „Wach uf!“ tönts us wyter Färni über ds Näbumeer i a ds geischtige Ohr vom selig schlummernde Ewigching.

Und das gilt immer noch:

SO SCHÜTZEN WIR UNS!

Ueli